Siyəzən Rayon Mərkəzi Xəstəxanası publik hüquqi şəxsin Tibbi Şurasının iyun ayı üçün nəzərdə tutulan iclası keçirilib.

Xəstəxanadan Aztibb.az-a verilən xəbərə görə, Tibbi Şuranın iclasına başlamazdan öncə 27.06.2024-cü il tarixdə TƏBİB-in İcraçı direktoru Vüqar Qurbanovun sədrliyi ilə tabeli tibb müəssisələrinin fəaliyyətinə dair keçirilən geniştərkibli müşavirənin nəticələri direktor Nərgiz Əliyeva və baş həkim Taleh Xankişiyev tərəfindən müəssisə əməkdaşlarına çatdırılıb.

Həmçinin ilkin səhiyyə xidmətinin yaxşılaşdırılması, əhaliyə göstərilən tibbi xidmətin keyfiyyətinin artırılması istiqamətində görüləcək işlər barədə xüsusi tapşırıqlar verilib.

Daha sonra Tibbi Şuranın iclasına keçid edilib, ayrı-ayrı şöbə müdirlərinin aylıq hesabatları dinlənilib, gündəlikdə duran məsələlər müzakirə olunub.

İclasda Siyəzən Rayon Mərkəzi Xəstəxanasına yeni təyinat alan həkim cərrah, tibb üzrə fəlsəfə doktoru Əliyev Mahir Səfər oğlu çıxış edərək müəssisə əməkdaşlarına peşə fəaliyyəti haqqında ətraflı məlumat verib.