Sabunçu Tibb Mərkəzində 60 yaşlı qadın üzərində herniotomiya əməliyyatı icra edilib.

Aztibb.az-a Mərkəzdən bildirilib ki, səhhətindəki ciddi narahatlıqlar səbəbilə Sabunçu Tibb Mərkəzinə müraciət edən xəstədə göbək yırtığı aşkarlanıb.

Müayinələrdən sonra xəstə herniotomiya (göbək yırtığı) əməliyyatına alınıb. Əməliyyat uzman həkimlər - Vasif Məmmədov və Araz Babayev tərəfindən uğurla icra edilib.

Xəstənin əməliyyat sonrası Cərrahiyyə şöbəsində statsionar müalicəsi davam etdirilir. Vəziyyəti stabil dəyərləndirilir.

Qeyd edək ki, sözügedən əməliyyat icbari tibbi sığortanın Xidmətlər Zərfi çərçivəsində həyata keçirilib.