Respublika Pediatriya Mərkəzinin Ə.F.Qarayev adına Uşaq Klinik Xəstəxanasında “Təcili yardıma müraciət edən kritik xəstəyə yanaşma” mövzusunda təlim keçirilib.

Bu məlumat Aztibb.az-a Respublika Pediatriya Mərkəzindən verilib.

Uşaq Klinik Xəstəxanasının akt zalında keçirilən təqdimatda Mərkəzin direktoru Azər Əhmədov və müəssisənin həkimləri iştirak edib.

Təlimdə uzman həkim Lalə Nurməmmədova mövzu üzrə təqdimatla çıxış edib.

Digər tabeli tibb müəssisələrinin həkimləri isə təqdimata “Zoom” proqramı üzərindən onlayn qoşulublar.

Təqdimatın sonunda fikir mübadiləsi aparılıb, iştirakçıların sualları cavablandırılıb.