Azərbaycan tibb elminə ağır itki üz verib  
21.06.2024 10:09
Azərbaycan Tibb Universitetinin (ATU) Ağız və üz çənə cərrahiyyəsi kafedrasının professoru Yunis Yusubov dünyasını dəyişib.
 
Aztibb.az xəbər verir ki, Yunis Yusubov 1942-ci ildə anadan olmuşdu. 1964-cü ildə Azərbaycan Tibb İnstitutunu bitirmiş, 1972-ci ildə Kiyev Şəhər Həkimləri Təkmilləşdirmə İstitutunun Cərrahi stomatologiya kafedrasına aspiranturaya qəbul olmuşdu. 1975-ci ildə tibb elmləri üzrə namizədlik, 1988-ci ildə doktorluq dissertasiyalarını uğurla müdafiə etmişdi.
 
 
O, Kiyev Tibb İnstitutunun cərrahi stomatologiya kafedrasında assistent işləmiş, 1989-cu ildə müsabiqə yolu ilə Azərbaycan Tibb İnstitutunun Cərrahi stomatologiya kafedrasına professor vəzifəsinə seçilmişdi.

 

Həkim 300-dən çox elmi işin, o cümlədən iki dərsliyin, üç kitabın, bir monoqrafiyanın (həmmüəllifi), 23 ixtiranın, 15 metodik tövsiyyə və metodik işləmələrin müəllifi idi. Yunis Yusubov 1996-cı ildə ilk dəfə olaraq Azərbaycan dilində cərrahi stomatologiya üzrə dərslik çap etdirmişdi.

 

Allah rəhmət eləsin!

 

 

 

ÇOX OXUNANLAR