“Həkimlərimizi tanıyaq!” rubrikamızda saytımızın oxucularına zəngin iş təcrübəsinə malik peşəkar həkim, Qazax Rayon Mərkəzi Xəstəxanasının uroloqu Novruzov Əşrəf Murad oğlu haqqında məlumatları təqdim edirik.
O, 1957-ci ildə Qazax rayonunun Çaylı kəndində anadan olub. 1974-1980-ci illərdə Azərbaycan Dövlət Tibb Universitetində Müalicə-profilaktika ixtisası üzrə təhsil alıb. 1980-ci ildə internatura keçib.
Əşrəf Novruzov 1982-1986-cı illərdə Dağlıq Qarabağ Muxtar Vilayətinin Xankəndi Xəstəxanasında həkim-cərrah vəzifəsində çalışıb. 1987-1990-cı illərdə Qazax rayonu Qıraq Kəsəmən kənd həkim məntəqəsinin müdiri olub. 1992-2019-cu illərdə Ağstafa Rayon Mərkəzi Xəstəxanasında həkim-uroloq vəzifəsində işləyib. 2019-cu ildən Qazax Rayon Mərkəzi Xəstəxanasında həkim-uroloq kimi fəaliyyət göstərir.
Həkim bu illər ərzində müxtəlif şəhərlərdə (Kiyev, Xarkov, Sankt-Peterburq, Moskva şəhərləri və Türkiyə Cümhuriyyətində) təkmilləşdirmə kurslarında olub.
O, 2022-ci ildə Prezident İlham Əliyevin sərəncamı ilə “Tərəqqi” medalı ilə təltif edilib.
