Hande Harmancı "Sağlam Gələcəklərin Proqnozlaşdırılması” Qlobal Sammitində çıxış edib
19.06.2024 08:41

İqlim dəyişikliyinin təsirlərinə dayanıqlı səhiyyə işçi qüvvəsindən danışarkən, biz tez-tez onların klinik bacarıqları haqqında düşünürük. Lakin biz ictimai səhiyyə bacarıqları, o cümlədən ilkin səhiyyə işçilərinin ictimai səhiyyə funksiyalarının gücləndirilməsinə də xüsusi diqqət yetirməliyik.

 

Aztibb.az xəbər verir ki, bu sözləri ÜST-nin Azərbaycandakı nümayəndəsi Hande Harmanci Bakıda keçirilən “Sağlam Gələcəklərin Proqnozlaşdırılması” Qlobal Sammitində bildirib.

 

“İqlim dəyişikliklərinə hazır səhiyyə işçi qüvvəsinin yaradılmasına yeni yanaşmalar" panelində çıxış edən Harmancı bu sahədəki fəaliyyətin ilk addımı kimi səhiyyə işçi qüvvəsini iqlim dəyişikliyinin real olduğuna, sağlamlığımıza təsir etdiyinə və kollektiv fəaliyyətlə bunu düzəldə biləcəyimizə inandırmağın vacibliyini vurğulayıb.

 

Qeyd edək ki, hər il COP-dan əvvəl beynəlxalq iqlim və səhiyyə ictimaiyyəti koalisiyası tərəfindən keçirilən sammitin məqsədi iqlim dəyişikliyi və onun insan sağlamlığına təsirlərini müzakirə etmək üçün maraqlı tərəfləri bir araya toplamaq, eləcə də “məlumatlılıqdan fəaliyyətə” birlikdə hərəkət etmək imkanlarını müəyyən etməkdir.

 

Səadət Məmmədova
Müəllifin digər yazıları
ÇOX OXUNANLAR