Dövlət Gömrük Komitəsinin Tibbi Xidmət İdarəsinin Elmi-Təcrübi və Tədris Mərkəzinin təşkilatçılığı ilə Mərkəzi Gömrük Hospitalında “Hospitalizasiya olunmuş xəstələrdə deliriumun menecmenti” mövzusunda seminar keçirilib.

Mərkəzi Gömrük Hospitalından Aztibb.az-a verilən xəbərə görə, Hospitalın rəis müavini Nabil Seyidov seminar iştirakçılarını salamlayaraq mövzunun aktuallığına dair fikirlərini bölüşüb və auditoriyanı müzakirələrdə aktiv iştirak etməyə dəvət edib.

Seminarda Mərkəzi Gömrük Hospitalının nevroloqu Lalə İbrahimova geniş təqdimatla çıxış edib və mövzu ilə əlaqəli ən son protokollardakı məlumatları təqdim edib.

Müxtəlif ixtisaslı həkim və rezidentlərin iştirak etdiyi seminarın sonunda audtoriyanı maraqlandıran suallar cavablandırılıb.