İsveçin Stokholm şəhərində Avropa Qonşuluq Siyasəti tərəfdaşlığı çərçivəsində Avropa Xəstəliklərin Qarşısının Alınması və Nəzarəti Mərkəzinin (ECDC) milli müxbirləri və MediPIET koordinatorlarının illik toplantısı keçirilib.
Bu barədə Aztibb.az-a Səhiyyə Nazirliyinin İctimai Səhiyyə və İslahatlar Mərkəzindən (İSİM) xəbər verilib.
Görüş çərçivəsində 2023-cü ildə Avropa İttifaqının (Aİ) Sağlamlıq Təhlükəsizliyi Təşəbbüsü çərçivəsində regional əməkdaşlığın nəticələrinin hesabatı dinlənilib, təqdimatlar olunub. Həmçinin 2024-cü il və daha sonrakı illərdə fəaliyyət perspektivlərinin genişləndirilməsi mövzusunda müzakirələr aparılıb, o cümlədən nəticə və əldə edilən məlumatlar təhlil edilib.
İSİM-in Səhiyyə siyasəti və planlaşdırma şöbəsinin müdir müavini Lətafət Dadaşova toplantıda iştirak edib.
İştirakçılar müzakirələr və qrup işlərinə qoşularaq, təmsil etdikləri ölkədə mövcud sağlamlıq təhlükəsizliyi ilə bağlı problemləri müəyyən edərək və ECDC və (Aİ) Sağlamlıq Təhlükəsizliyi Təşəbbüsünün bu təhlükələri azaltmağa kömək edə biləcəyi təklifləri irəli sürüblər.