Salyan Rayon Mərkəzi Xəstəxanasında 17 İyun - Tibb İşçilərinin Peşə Bayramı Günü münasibətilə tədbir keçirilib.

Bu barədə Aztibb.az-a Salyan RMX-dan bildirilib.

Tədbirdə Salyan Rayon İcra Hakimiyyətinin başçısı Sevindik Hətəmov, Yeni Azərbaycan Partiyası (YAP) Salyan rayon təşkilatı və Salyan Rayon Mərkəzi Xəstəxanasının rəhbərliyi, tibb kollektivi iştirak ediblər.

İcra başçısı Sevindik Hətəmov çıxışında tibb işçilərini peşə bayramları münasibətilə təbrik edib, bu gün dövlətin tibb sahəsinə göstərdiyi diqqət sayəsində Azərbaycan səhiyyəsində uğurlu islahatlardan, yeni texnologiyaların tətbiqindən, innovativ yeniliklərdən söz açıb.

Qeyd olunub ki, bu gün bölgələrimizdə belə insanlar müasir tıbbi xidmətlərdən məmnunluqla yararlanırlar.

Tibb müəssisəsinin baş həkimi Yeganə Əliyeva bildirib ki, 21 ildir ki, iyunun 17-si ölkəmizdə Tibb İşçilərinin Peşə Bayramı Günü kimi qeyd olunur. Y.Əliyeva tibb işçilərini təbrik edib, fəaliyyətlərində uğur arzulayıb.

Tədbirdə bir qrup səhiyyə işçisinə Fəxri Fərman və hədiyyələr, eləcə də YAP sıralarına yeni qoşulan şəxslərə üzvlük vəsiqələri təqdim edilib.