Şirvan Şəhər Mərkəzi Xəstəxanasında Qurban bayramı və 17 iyun - Tibb İşçilərinin Peşə Bayramı Günü münasibətilə tədbir keçirilib.

Aztibb.az-a Xəstəxanadan verilən xəbərə görə, tədbirdə müəssisənin direktoru Pərviz Rüstəmbəyov tədbir iştirakçılarını milli-mənəvi həmrəyliyi, humanizm və qardaşlığı, xeyirxahlıq və mərhəmət duyğularını özündə təcəssüm edən Qurban bayramı münasibətilə təbrik edib. 

Daha sonra əməkdaşları peşə bayramları münasibəti ilə təbrik edən direktor onlara vətəndaşlarımızın sağlamlığı keşiyində durmaq qədər şərəfli fəaliyyətlərində uğurlar arzulayıb.

Tədbirin sonunda Tibb işçilərinin peşə bayramı münasibətilə səhiyyə sahəsində səmərəli fəaliyyətinə görə bir qrup tibb işçisinə Şirvan Şəhər Mərkəzi Xəstəxanasını direktoru Pərviz Rüstəmbəyov tərəfindən hədiyyələr təqdim olunub.