Tibb üzrə fəlsəfə doktoru Mehriban Əmirova - "Həkimlərimizi tanıyaq!” rubrikası
18.06.2024 09:54
"Həkimlərimizi tanıyaq!” rubrikamızda Sizlərə uzun illər ginekologiya sahəsində çalışan qayğıkeş, yüksəkixtisaslı peşəkar həkim, mama-ginekoloq, tibb üzrə fəlsəfə doktoru Mehriban Əmirovanı təqdim edirik.
 
O, 1999-cu ildə N.Nərimanov adına Azərbaycan Tibb Universitetini fərqlənmə diplomu ilə bitirib, 1999-2001-ci illərdə Azərbaycan Respublikası Səhiyyə Nazirliyinin Elmi-Tədqiqat Mamalıq və Ginekologiya İnstitutunda mama-ginekologiya ixtisası üzrə kliniki ordinatura keçib. 2001-2008-ci illərdə müxtəlif özəl tibb mərkəzlərində mama-ginekoloq kimi çalışıb.
 
Azərbaycan gənclərinin xarici ölkələrdə təhsili üzrə Dövlət Proqramı çərçivəsində Mehriban Əmirova 2008-2011-ci illərdə Sankt-Peterburq Diplomdansonra Təhsil Tibb Akademiyasında mama-ginekologiya ixtisası üzrə aspiranturada təhsilini davam etdirib və həmin universitetin klinikalarında həkim kimi çalışıb. 2012-ci ildə dissertasiya işini mudafiə edərək tibb elmləri namizədi adına layiq gorülüb.
 
Mehriban Əmirova uzun illər ginekologiya sahəsində çalışan və daim öz üzərində işləyən, qabaqcıl təcrübəni öyrənərək öz işində tətbiq edən təcrübəli həkimdir. Azərbaycanda və xarici ölkələrdə təşkil olunmuş müxtəlif yerli ve beynəlxalq elmi-praktik konfranslarda, konqreslərdə və ixtisasartırma kurslarında davamlı olaraq iştirak edir. Belə ki, o, 2009-2012 illərdə Rusiyanın Sankt-Peterburq şəhərində uşaqlıq boynunun patologiyası və kolposkopiya, histeroskopiya, endovideocərrahiyyə, mamalıq və ginekologiyada ultrasəs diaqnostikası, sonsuzluq və endokrin ginekologiya ixtisasartırma kursları keçib. Dr. Mehriban Əmirova 2014-cü ildən Mərkəzi Gömrük Hospitalında mama-ginekoloq işləyir.
 
O, Mərkəzi Gömrük Hospitalında hamiləliyin təqibi, normal fizioloji və cərrahi doğuşlar; sonsuzluğun diaqnostikası və müalicəsi; uşaqlıq yolunun və uşaqlıq boynunun patologiyasının diaqnostikası və müalicəsi (kolposkopiya, biopsiya krioterapiya, lazerterapiya və s.); konservativ və cərrahi ginekologiya; estetik, kosmetik və lazer ginekologiyada (labioplastika, vaginoplastika, xudoplastika, PRP, biorevitalizasiya, mezoterapiya və s.) istifadə olunan müasir texnologiyalardan istidadə edərək qadının həyat keyfiyyətini yaxşilaşdıran müvafiq prosedurları həyata keçirir. Mehriban həkim, həmçinin, Biolitec Leonardo Dual 45W Lazer texnologiyası ilə genital kondilomaların və uşaqlıq boynu eroziyasının vaporizasiyası, uşaqlıq boynunun konizasiyası, inkontinans (stress sidik qaçirma), lixen sklerozun, və vaginal atrofiyanın müalicəsi, lazer labioplastikası, polip və miom rezeksiyası və s icra edir. 
 
 
Səadət Məmmədova
Müəllifin digər yazıları
ÇOX OXUNANLAR