Azərbaycan Tibb Universitetinin (ATU) Elmi Departamentinin Startap və konfrans şöbəsinin və Tələbə Elmi Cəmiyyətinin (TEC) birgə təşkilatçılığı ilə universitetdə növbəti seminar baş tutub.

Aztibb.az-a ATU-dan bildirilib ki, Terapevtik stomatologiya kafedrasının dosenti Esmira Abbasova çıxış edərək vurğulayıb ki, bu cür seminarların təşkilində əsas məqsəd bu sahəyə marağı olan, bu istiqamətdə yeniliklər etmək istəyən tələbələrin təkmilləşdirilməsidir.

Azərbaycan Memarlıq və İnşaat Universiteti Sənayenin təşkili və idarə olunması kafedrasının müəllimi, TEC sədri Günel İmamquliyeva tərəfindən təqdim olunan “Biznes kanvasının modelində müştəri kəşfi” adlı mühazirə iştirakçılar tərəfindən maraqla dinlənilib.

Təlimin sədr müavini, ATU-nun Elmi departamentinin Startap və Konfrans söbəsinin koordinatoru, Terapevtik stomatologiya kafedrasının dos. Ayət Cəfərova, şöbənin fəaliyyəti və keçirilən təlimlərin əhəmiyyətindən danışıb. O, keçirilən təlim mövzularının istiqamətində tədris olunan bilik və bacarıqların karyeranın inkişafındakı rolunu açıqlayıb.

Qeyd edək ki, mühazirə ATU-nun əməkdaşları və Stomatologiya fakültəsinin tələbələri üçün təşkil olunub.