Naxçıvan Muxtar Respublikasında ilk dəfə olaraq Səhiyyə Nazirliyinin təşəbbüsü və Təhsil Nazirliyinin dəstəyi ilə 11-ci sinif buraxılış məzunları üçün qəbul imtahanı öncəsi stress və bununla mübarizə üsulları haqqında Naxçıvan Mərkəzi Xəstəxanasında tədbir təşkil olunub.

Aztibb.az-a Naxçıvan MR Səhiyyə Nazirliyindən verilən məlumata görə, tədbirdə çıxış edən Naxçıvan MR Psixi Xəstəliklər dispanserinin baş həkimi Rəşadət Nabatov muxtar respublikada ilk dəfə olaraq təşkil olunan bu tədbirin önəmindən bəhs edib, növbəti mərhələlərdə də bu tip dəstəklərin Səhiyyə Nazirliyi tərəfindən davam etdiriləcəyini vurğulayıb.

Daha sonra dispanserin uşaq və yeniyetmə üzrə həkim-psixiatrı Gülay Səfərli və həkim-psixiatr Xəyalə Elxan qızı "İmtahan stressi" mövzusunda təlimlər keçərək iştirak edən şagirdlərlə söhbətlər aparıb, onları maraqlandıran sualları cavablandırıblar.