Azərbaycan Tibb Universitetinin (ATU) II Uşaq xəstəlikləri kafedrasının assistenti, tibb üzrə fəlsəfə doktoru Sevinc Muxtarova Türkiyənin Ege Universitetində elmi tədqiqat işini icra edib.

ATU-dan Aztibb.az-a bildirilib ki, o, Ege Universitetinin Tibb Fakültəsinin Uşaq sağlığı və xəstəlikləri kafedrasının nəzdində olan Neonatologiya kafedrasında üç ay ərzində araşdırmalar aparıb.

“Yenidoğulanlarda ağciyər patologiyalarının diaqnostikasında ultrasəs müayinəsinin və genetik markerlərin rolu” mövzusundakı tədqiqat Azərbaycan Tibb Universiteti və Ege Universiteti tərəfindən ortaq icra edilib. Araşdırma müddətində tənəffüs çatışmazlığı olan, vaxtında və vaxtından əvvəl doğulan uşaqların ağciyərinin ultrasəs müayinəsi aparılıb, iniplazmada miRNA səviyyəsi müşahidə edilib. ATU əməkdaşı S.Muxtarova araşdırmalar zamanı uğurlu nəticələr əldə edib.