Respublika Neyrocərrahiyyə Xəstəxanasına kəskin bel-oma ağrıları şikayəti ilə müraciət edən 68 yaşlı pasiyent uğurlu əməliyyatdan sonra ambulator müalicə üçün evə buraxılıb.

 

Xəstəxanadan Aztibb.az-a bildirilib ki, 68 yaşlı Safura Aslanova uzun müddətdir davam edən kəskin bel-oma ağrıları, ayaqlarda keylik, ağrı, yeriyişin olmaması şikayətləri ilə tibb müəssisəsinə müraciət edib. KT və MRT müayinələrinə əsasən L4-L5 lümbal qeyri-stabillik, disk yırtığı, L4 fəqərəsinin spondilolistezi aşkar edilib.

 

Pasiyent Samir Qarayev və Rasim Cəfərov tərəfindən uğurlu əməliyyat olunaraq (L4-L5 fəqərəarası transpedikulyar fiksasiya, Plif keyclə korporodez, disk yırtığının xaric edilməsi) nevroloji defisitsiz evə yazılıb.