Səhiyyə Nazirliyinin İctimai Səhiyyə və İslahatlar Mərkəzi (İSİM), Nəsimi rayon İcra Hakimiyyəti və Nəsimi Rayon Polis İdarəsinin birgə təşkilatçılığı ilə Bakı şəhəri 35 nömrəli tam orta məktəbdə “Narkomaniyaya qarşı mübarizə sağlam həyata təminatdır” mövzusunda maarifləndirici tədbir keçirilib.

 

İSİM-dən Aztibb.az-a verilən xəbərə görə, Nəsimi Rayon İcra Hakimiyyətinin, Nəsimi Rayon Polis İdarəsinin məsul şəxsləri yeniyetmələri, gəncləri zərərli vərdişlərdən uzaq olmağa çağıraraq, respublikamızda narkomaniyaya qarşı mübarizə sahəsində görülən işlərdən söz açıblar.

 

İSİM-in Layihələrin əlaqələndirilməsi şöbəsinin müdir müavini Ülkər Camalova “Narkomaniya yox deyək!” mövzusunda geniş təqdimatla çıxış edərək, iştirakçıları zərərli vərdişlərin insan orqanizminə göstərdiyi mənfi təsirlər, sağlamlığa törətdiyi ağır fəsadlar barədə məlumatlandırıb.

 

Tədbirin yekununda iştirakçıları maraqlandıran suallar cavablandırılıb.