O, 2008-2014-cü illərdə Azərbaycan Tibb Universitetinin Pediatriya fakültəsində təhsil alıb. Əmək fəaliyyətinə 2014-cü ildə başlayaraq 2016-cı ilə qədər müxtəlif tibb müəssisələrində pediatr vəzifəsində çalışıb. 2016-cı ildən Mərkəzi Gömrük Hospitalında pediatr kimi fəaliyyət göstərir.

 

Nigar Mirzəyeva Mərkəzi Gömrük Hospitalında yeni doğulmuş uşaqların müayinəsi, uşaqların anadan olduğu dövrdən 17 yaşa kimi olan dövrdə müayinə və müalicəsi, vaksinasiya, uşaqlarda pulmonologiya, allerqologiya, qastroenterologiya, otolarinqologiya kimi xəstəliklərin müalicəsi və ağır xəstələrin stasionar şəraitdə müalicəsi ilə məşğul olur. 

 

Pediatr-həkim öz üzərində daim çalışır, xarici ölkələrdə və ölkəmizdə keçirilən müxtəlif forumlarda, konfranslarda iştirak edir, bilik və təcrübəsini artıraraq öz fəaliyyətində tətbiq edir.

 

O, 2017-ci ildə Türkiyənin Antalya şəhərində Milli Pediatriya Cəmiyyətinin “Uşaqlarda qidalanma” kursunda, həmin ildə Türkiyənin Antalya şəhərində keçirilən Milli Pediatriya Cəmiyyətinin 61-ci Pediatriya konqresində, 2019-cu ildə Bakı şəhərində neonatologiya üzrə Azərbaycan-Türkiyə 3-cü Beynəlxalq təlim kursunda, həmin ildə Azərbaycan Tibb Assosiasiyasının Pediatriya Dərnəyinin Pediatriyada yeniliklər” mövzusunsa IX simpoziumunda iştirak edib.

 

2019-cu ildə Yeditepe Universitet Xəstəxanasında pediatriya sahəsi üzrə təkmilləşdirmə kursu keçib.