Alimlər "ksilitol" adlanan aşağı kalorili süni dadlandırıcının infarkt və insult yarada biləcəyini aşkar ediblər.
Aztibb.az bu barədə medimagazin.com.tr-yə istinadla xəbər verir.
“European Heart Journal”da dərc olunan araşdırmaya görə, tədqiqatçılar 2004-2011-ci illər arasında ürək xəstəliyindən müalicə olunan xəstələrin 1157 qan nümunəsini və ürək xəstəliyi riski yüksək olan 2100 nəfərin qan nümunələrini araşdırıblar.
Tədqiqatçılar saqqız və diş pastası kimi bir çox məhsulda istifadə edilən süni dadlandırıcı "ksilitol"un qanın daha asan laxtalanmasına səbəb ola biləcəyini təyin ediblər, laxtalanmanın ürəyə çatdıqda infarkt yarada biləcəyini aşkarlayıblar.
Araşdırma qrupundan Dr. Stanley Hazen CNN-ə verdiyi açıqlamada, piylənmə və diabet kimi xəstəlikləri olan insanların istifadə etdiyi "ksilitol"un ölümcül nəticələrə səbəb ola biləcəyi barədə xəbərdarlıq edib.
