İngiltərənin İctimai Səhiyyə Agentliyi (UKHSA) ölkə daxilində 113 nəfərdə aşkarlanan E.coli (Escherichia coli) epidemiyasının baş verdiyini açıqlayıb. Səlahiyyətlilər, virusun ölkə daxilindən gələn yeməklərdən sonra yoluxduğunu ifadə edərək, simptomların şiddətli və bəzən qanlı ishal, mədə krampları, qusma və qızdırma olduğunu vurğulayıblar.

Aztibb.az-ın medimagazin.com.tr-yə istinadla məlumatına görə, UKHSA-nın açıqlamasında deyilir: "Mövcud araşdırmada nümunələrin bütün genom ardıcıllığı göstərir ki, əksər hallar epidemiyanın bir hissəsidir. Hadisələrin geniş coğrafi yayılmasına əsaslanaraq, çox güman ki, bu epidemiya milli miqyasda paylanmış qida məhsulu və ya çoxlu ərzaq məhsulları ilə bağlıdır".

Qeyd olunub ki, epidemiyanın mənbəyi hələ təsdiqlənməyib, hazırda epidemiyanın açıq təsərrüfatlar, içməli su və ya çirklənmiş dəniz sularında, göllərdə və ya çaylarda üzgüçülüklə əlaqəli olduğuna dair heç bir sübut yoxdur.

Bu epidemiya çərçivəsində 113 yoluxma faktının qeydə alındığını bildirən səhiyyə rəsmiləri, E.coli-yə yoluxanların 2 ilə 79 yaş arasında olduğunu və əksəriyyətinin gənclər olduğunu bildirib.