Lənkəran Rayon Mərkəzi Xəstəxanasının gənc qastroenteroloqu - Köçəri Köçərli
09.06.2024 17:19
“Həkimlərimizi tanıyaq!” rubrikasının növbəti qonağı həkim-qastroenteroloq Köçəri Köçərlini sizə təqdim edirik.
 
Köçərli Köçəri Zahid oğlu 1994-cü ildə anadan olub. 2012-ci ildə Sumqayıt şəhər Nizami Gəncəvi adına Texniki və Təbiət Elmləri Liseyini bitirib. 2012-2018-ci illərdə Azərbaycan Dövlət Tibb Universitetinin II Müalicə profilaktika fakültəsində ali təhsil alıb. 2019-2023-cü illərdə Azərbaycan Dövlət Həkimləri Təkmilləşdirmə İnstitutunun Terapiya kafedrasında qastroenterologiya ixtisası üzrə rezidentura keçib. Bu müddət ərzində Ak.Mirqasımov adına Respublika Klinik Xəstəxanasında, Milli Onkologiya Mərkəzində və müxtəlif özəl xəstəxanalarda, eyni zamanda, 09.05.2022-22.07.2022-ci ildə Türkiyə Cümhuriyyəti Ege Universiteti Hastanesində qaraciyər xəstəliklərləri üzrə praktiki təhsil alıb.
 
O, Bursa Uludağ Üniversitesi Hastanesində gastroenterologiya kursu keçib. Ölkə daxilində və xaricdə təşkil olunan qastroenterlogiya konfranslarının iştirakçısı olub.
 
2024-cü ildən Lənkəran Rayon Mərkəzi Xəstəxanasında həkim-qastroenteroloq vəzifəsində çalışır.
 
 
ÇOX OXUNANLAR