Ümumdünya Səhiyyə Təşkilatının (ÜST) Şərqi Aralıq dənizi Regional direktoru Hanan Balkhy, İsrailin intensiv hücumlarına məruz qalan Qəzza zolağında ən azı 7-11 min təcili tibbi evakuasiyaya ehtiyac olduğunu bildirib.

Bu barədə Aztibb.az medimagazin.com.tr-yə istinadla bildirir.

ÜST-nin Şərqi Aralıq dənizi Regional Müdirliyinin fövqəladə hallar üzrə kommunikasiyalar üzrə meneceri Hanan Balkhy və İnas Hamam Birləşmiş Millətlər Təşkilatının (BMT) Cenevrə Ofisində Akkreditə olunmuş Mətbuat Mənbələri Assosiasiyasının üzvü olan jurnalistlərlə görüşüblər.

Qəzza zolağında ən azı 7-11 min arasında təcili tibbi təxliyənin lazım olduğunu ifadə edən Balkhi, təxliyyə edilməli olan xəstələrin xüsusi xəstəxanalarda müalicə almasının zəruziliyini qeyd edib.

O, sülh əldə edilməzsə, sağlamlıq baxımından son dərəcə çətin vəziyyətlərin yaranacağını vurğulayıb.