Bu barədə Aztibb.az-a məlumat verən ürək damar cərrahı, tibb üzrə fəlsəfə doktoru Ramil Əliyev bildirib ki, döyüntünün səbəbləri arasına stres, qorxu, panik ataklar, ağır məşqlər, hamiləlik, həddindən çox kofein istifadəsi, qalxanabənzər vəzi xəstəlikləri, kalium və ya oksigen səviyyələri, hipertoniya, anemiya, genetik faktorlar daxil edilə bilər.

 

Həkim qeyd edib ki, müxtəlif ürək xəstəlikləri, bəzi dərmanların əlavə təsirləri, siqaret və narkotik istifadəsi də ürək döyüntülərinə səbəb olan faktorlardır.

 

"Yuxarıda sadalanan halların taxikardiyaya səbəb ola biləcəyi məlum olsa da, bu halın əlamətlərini yaxşılaşdırmaq və mənfi təsirlərini azaltmaq üçün səbəblərin müəyyən edilməsi və təbii üsulların tətbiqi ilə yanaşı, dərman müalicəsi də bu prosesdə təsirlidir", - deyə Ramil Əliyev əlavə edib.