Bakı Dövlət Universitetinin (BDU) Mikrobiologiya kafedrasının müdiri, biologiya elmləri doktoru professor Xudaverdi Qənbərov və biologiya elmləri doktoru professor Mirmusa Cəfərov Səhiyyə Nazirliyi V.Y.Axundov adına Elmi-Tədqiqat Tibbi Profilaktika İnstitutununda olublar.

İnstitutdan Aztibb.az-a bildirilib ki, müəssisənin direktoru professor Adil Allahverdiyev və elmi katib professor Ağasəmid İsayev qonaqlara institutun fəaliyyət istiqamətləri, elmi-tədqiqat və klinik laboratoriyalar, eləcə də klinik şöbə haqqında ətraflı məlumat veriblər. 

Qonaqlar laborator avadanlıq və cihazlara baxış keçirib, laboratoriyanın personalı ilə görülən işlər barədə fikir mübadiləsi aparıblar.

Görüşdə BDU və Elmi-Tədqiqat Tibbi Profilaktika İnstitutunun birgə elmi əməkdaşlığının mümkün perspektivləri müzakirə edilib.