Necmettin Erbakan Universiteti Tibb Fakültəsi Xəstəxanasında edilən cərrahi müdaxilə ilə 7 aylıq körpənin qarnından 400 mində bir görülən təxminən 800 qramlıq kütlə çıxarılıb.

Aztibb.az medimagazin.com.tr-yə istinadla xəbər verir ki, Aksarayda yaşayan Səlcuq və Nadirə Çal cütlüyü 9 ay əvvəl dünyaya gələn Züleyha körpəsinin qarnında yaranan şişlik səbəbindən şəhərdəki poliklinikaya müraciət ediblər.

Mütəxəssisdən ibarət heyət daha sonra ailəsi tərəfindən Necmettin Erbakan Universiteti Tibb Fakültəsi Xəstəxanasına aparılan körpənin əməliyyat edilməsinə qərar verib.

Xəstəxananın Uşaq Cərrahiyyəsi şöbəsinin müdiri dos. Dr. Canan Kocaoğlu və komandasının apardığı 3,5 saatlıq əməliyyat zamanı körpənin qarnındakı böyük kütlə çıxarılıb.

Körpənin 2 il müayinələrə gələcəyini deyən Kocaoğlu bildirib:

"Bu sahədə teratoma çox nadirdir, 400 mindən 1-də baş verir. Akademik nəşr hazırlayacağıq. Bu, ədəbiyyata girəcək əməliyyatdır. Hazırda heç bir neqativ hal yoxdur. Uşağımız qidalanır, yemək yeyir, içki içir və bağırsaqlarında heç bir anormallıq yoxdur."