Tədbirdə Goranboy Rayon Mərkəzi Xəstəxanasının baş həkimi Arzu Teymurov, İlkin Səhiyyə Xidmətlərinin (İSX) şöbə müdiri Təranə Qəhrəmanova, həkim-ginekoloq İradə Həsənova, Yoluxucu Xəstəliklər şöbəsinin müdiri Xanım Adıgözəlova, həkim-pediatr Natavan Nuruyeva, Tibbi Şuranın üzvləri, eləcə də Goranboy Rayon Mərkəzi Xəstəxanasının tabeliyində fəaliyyət göstərən Ailə Sağlamlıq Mərkəzləri, həkim və tibb məntəqələrinin məntəqə müdirləri və tibb işçiləri iştirak ediblər.

 

Bu məlumat Aztibb.az-a Xəstəxanadan verilib.

 

Tədbiri giriş sözü ilə Goranboy Rayon Mərkəzi Xəstəxanasının baş həkimi Arzu Teymurov açaraq Tibbi şuranın gündəliyinə daxil edilmiş mövzular haqqında məlumat verib.

 

İclasın gündəliyinə əsasən tədbirdə Goranboy Rayon Mərkəzi Xəstəxanasının tabeliyində fəaliyyət göstərən kənd tibb məntəqələrində əhaliyə göstərilən tibbi xidmətlərin yaxşılaşdırılması və mövcud çatışmazlıqların aradan qaldırılmasından bəhs edilib.

 

Daha sonra İlkin Səhiyyə Xidmətlərinin (İSX) şöbə müdiri Təranə Qəhrəmanova dispanserizasiyanın aparılması, vaksinasiyadan kənar qalmış uşaqların vaxtında peyvənd olunmasının əhəmiyyəti barədə məlumat verib.

Xəstəxananın həkim-pediatrı Natavan Nuruyeva “Xəstəliklərin erkən aşkarlanmasında dispanzerizasiyanın rolu”, “Övladınızı peyvənddən yox, peyvənd ilə qarşısı alına bilən xəstəliklərdən qoruyun” mövzularında məruzə ilə çıxış edib.

 

Xəstəxananın Yoluxucu Xəstəliklər şöbəsinin müdiri Xanım Adıgözəlova yay aylarında insanlar arasında daha çox yayılan “Brusellyoz” (el arasında mal qızdırması) xəstəliyi və ondan qorunmaq üçün profilaktik tədbirlərdən danışıb.

 

Həkim-ginekoloq İradə Həsənova risk qrupuna aid olan hamilə qadınların diqqət etməli olduğu məqamlar və onların qadın məsləhətxanasına gəlişlərinin əhəmiyyəti barədə məlumat verib.

 

Sonda Arzu Teymurov Şuraya yekun vuraraq struktur bölmələrə tapşırıqlarını verib.