Araşdırmalara görə, səkkiz həyat tərzi faktorunun müxtəlif səbəblərdən, o cümlədən infarkt və insultdan ölüm riskini təxminən 80 faiz azaltdığı sübut edilib.

Aztibb.az-ın medimagazin.com.tr-yə istinadla xəbərinə görə, hər il milyonlarla insan ürək-damar xəstəliklərindən ölür. Lakin yeni bir araşdırmaya görə, yalnız bir neçə əsas həyat tərzi vərdişinin tətbiqi bu rəqəmin azalmasına kömək edə bilər.

Amerika Ürək Assosiasiyası tərəfindən 5600-dən çox insan üzərində aparılan tədqiqatlar zamanı müəyyən edilib ki, səkkiz qaydaya - sağlam qidalanmaq, gecə 7-9 saat yatmaq, siqaret çəkməmək, idmanla məşğul olmaq, qan təzyiqini, qan şəkərini, xolesterini və çəkisini nəzarətdə saxlamaq - əməl edən insanlarda ürək-damar xəstəliklərinin inkişaf riski 36 faiz azalır.

Professor Jiantao Ma, bu səkkiz məsləhətə diqqət yetirməklə, yaşınızdan və sağlamlıq tarixinizdən asılı olmayaraq  ölüm riskinizi azalda biləcəyinizi söyləyib.