STM-dən Aztibb.az-a bildirilib ki, növbəti belə tədbir Yusif Məmmədəliyev adına 31 nömrəli tam orta məktəbdə keçirilib.

 

STM-nin nəzdində olan 4 nömrəli Ailə Sağlamlıq Mərkəzinin (ASM) və məktəbin təşkilatçılığı ilə keçirilən maarifləndirici tədbirdə şagirdlər və valideyinlər iştirak edib.

 

"Erkən nigah məişət zorakiliqlarinin başlica amillərindəndir" mövzusunda təşkil olunan tədbirdə 4 nömrəli ASM-nin ailə həkimi, pediatr Nərmin Əmirova erkən nikahların cəmiyyətdə törətdiyi fəsadlardan söz açıb, sağlamlığa vurduğu ziyanları şagirdlərin diqqətinə çatdırıb.

 

N. Əmirova vurğulayıb ki, gələcək nəsillərin sağlamlıq vəziyyəti yeniyetmə qızların - gələcək anaların sağlamlıq vəziyyətlərindən birbaşa asılıdır.

 

Pediatr yeniyetmə dövrünün inkişafda olan orqanizm olduğunu və bu dövrdə bir çox xroniki xəstəliklərin də kəskinləşdiyini bildirib.

 

Tədbirdə iştirak edən Sumqayıt Şəhər Polis İdarəsinin Yetkinlik yaşına çatmayanlarla profilaktik işin təşkili bölməsinin inspektoru, polis kapitanı Asudə Əliyeva isə çıxışında hüquq-mühafizə orqanlarının bu sahədə həyata keçirdiyi tədbirlərdən danışıb.

 

Sonda şagirdləri maraqlandıran suallar cavablandırılıb.