Fransanın müxtəlif şəhərlərindən yüzlərlə əczaçı dərman qıtlığına, apteklərin bağlanmasına və ödənişlərin aşağı olmasına etiraz olaraq tətilə çıxıb.
Bu barədə Aztibb.az medimagazin.com.tr-yə istinadla xəbər verir.
Əczaçılar xəstələrə ciddi təsir edən xərçəng, şəkərli diabet kimi xəstəliklərin müalicəsində istifadə edilən dərmanların stok probleminə, dərman satışı və tibbi sığortaya görə ödənişlərin az olmasına, apteklərin bağlanmasına etiraz edərək, fakültə qarşısında toplaşıblar.
Ağ xalatlı, əllərində pankart daşıyan əczaçılar şüarlar səsləndirərək İqtisadiyyat Nazirliyinə doğru yürüş ediblər.
Əczaçılar ölkənin bir çox şəhər və qəsəbələrində, eləcə də Parisdə təxminən 30 fərqli yerdə nümayişlər keçirdiblər. Ölkədəki 20 min aptekdən 18 mindən çoxu tətil səbəbiylə bağlı qalıb.
