Fələstin Qızıl Aypara Cəmiyyəti bildirib ki, Qəzza zolağının cənubundakı Rəfah şəhərində 2 tibb işçisinin həyatını itirdiyi İsrail hücumunda təcili yardım maşını qəsdən vurulub.

Aztibb.az-ın medimagazin.com.tr-yə istinadla məlumatına görə, açıqlamada, "İsrail işğalçı qüvvələri təcili yardım maşınında beynəlxalq səviyyədə qorunan Qızıl Aypara emblemi olduğu halda, qəsdən bombardman etdi" ifadələrdən istifadə olunub.

Qeyd edilib ki, bu hücumla oktyabrın 7-dən Qəzza zolağında vəzifə yerinə yetirərkən İsrail ordusu tərəfindən öldürülən Fələstin Qızıl Aypara zabitlərinin sayı 19-a yüksəlib.

Qəzzadakı Fələstinin Səhiyyə Nazirliyi İsrailin Rəfahdakı Tel əs-Sultandakı Əbu əl-Səid qovşağında yaralı və ölüləri təxliyə etmək üçün gedən təcili yardıma hücum etdiyini və hadisə nəticəsində 2 tibb işçisinin öldüyünü açıqlayıb.