Mərkəzi Neftçilər Xəstəxanasında “Maqnit rezonans texnologiyalarında innovasiyalar” adlı seminar keçirilib.
Aztibb.az-a Xəstəxanadan verilən məlumata görə, TƏBİB, Siemens Healthineers və Ameco-nun maliyyə və təşkilatı dəstəyi ilə baş tutan seminar maqnit rezonans texnologiyalarında yeni yanaşmalara və qabaqcıl tətbiqlərə həsr edilib.
Seminarın açılış hissəsində TƏBİB-in Tibb müəssisələrində təlimlərin idarəedilməsi şöbəsinin böyük məsləhətçisi Romella Osmanova və AMECO - “Siemens Healthineers” şirkətinin Azərbaycanda rəsmi partnyoru Radiolojı və laborator avadanlığı üzrə şöbə müdiri Lalə Axundova çıxış ediblər.
Seminarın elmi hissəsini “Siemens Healthineers” şirkəti, Mərkəzi Şərqi Avropa və Mərkəzi Asiya üzrə Maqnetik rezonans departamentinin regional meneceri - Florin Preoteasa davam edib. Seminar “Müayinə müddətinin azaldılması və süni intellektin tətbiqi”, “BioMatrix Beat Sensorlar və EKQ-siz ürək MRT müayinələri”, “Neyrogörüntüləmə və sürətləndirilmiş qabaqcıl tətbiqlər”, “Bütün bədən MRT müayinələri” və “MagnetomFlow,1.5T. Heliumsuz MRT cihazı” mövzuları ilə davam edib.
Sonda mövzularla bağlı müzakirələr aparılıb, seminar iştirakçılarını maraqlandıran suallar cavablandırılıb.
