Naxçıvan Muxtar Respublikası Mərkəzi Xəstəxanasının konfrans zalında Azərbaycan Respublikası Pediatriya Cəmiyyətinin Uşaqların Beynəlxalq Müdafiəsi gününə həsr olunmuş “Müasir pediatriyanın işığında“ adlı konfransı keçirilib.

Bu barədə Aztibb.az-a Naxçıvan MR Səhiyyə Nazirliyindən xəbər verilib.

Konfransın açılış hissəsində Naxçıvan Muxtar Respublikası Səhiyyə naziri Samiq Sadıxov əhaliyə keyfiyyətli tibbi yardım göstərilməsini təmin etmək məqsədilə aparılan islahatlardan bəhs edib. O, pediatrik xidmətin keyfiyyətinin yaxşılaşdırılması, bu sahədə çalışan tibb işçilərinin peşə biliklərinin artırılması, onların beynəlxalq standartlara uyğun mütəxəssislər olması istiqamətində aparılan işlər barədə çıxış edib.

Rəsmi hissəni açıq elan edən Azərbaycan Pediatriya Cəmiyyətinin idarə heyətinin sədri Erkin Rəhimov gələn qonaqları salamlayıb, Azərbaycan Pediatriya Cəmiyyətinin keçdiyi inkişaf yollarından danışıb, konfransın gedişatına uğurlar arzulayıb.

Konfransda yerli mütəxəssislər tərəfindən pediatriyaya dair müxtəlif mövzularda geniş təqdimatlar edilib və bilik və məlumatlar paylaşılıb.