1 İyun – Uşaqların Beynəlxalq Müdafiəsi Günündə Salyan Rayon Mərkəzi Xəstəxanasında aksiya keçirilib.

Xəstəxanadan Aztibb.az-a verilən xəbərə görə, həmin gün xəstəxanaya müraciət edən balaca pasiyentlər onlar üçün təşkil edilmiş musiqili-əyləncəli tədbirdə iştırak ediblər.

Şəhid və qazi övladlarının da qatıldığı tədbirdə rəhbərlik uşaqları bayram münasibətilə təbrik edib, tüstüsüz, qoxusuz mavi səma altında sağlam böyümələrini arzulayıb. Uşaqlar hədiyyələrlə sevindirilib.

Sonra həkim-pediatrlar uşaqları müayinə ediblər.

Aksiya rayonun uşaq bağçalarında davam etdirilib. Belə ki, həkim briqadaları ayrı-ayrı uşaq bağçalarında balaca fidanları səyyar tibbi müayinədən keçiriblər.