Mərkəzi Gömrük Hospitalının Reanimasiya və intensiv terapiya şöbəsinin reanimatoloqu Mehdi Əliyev Avropa Anesteziya və İntensiv Terapiya Cəmiyyətinin təşkilatçılığı ilə Almaniyanın Münxen şəhərində keçirilən "Euroanethesia 2024" konqresində iştirak edib.

 

Hospitaldan Aztibb.az-a verilən xəbərə görə, anesteziologiya və reanimasiyada ən mühüm və təsirli illik konqreslərdən biri kimi tanınan "Euroanesthesia" tədbiri anestezioloq və reanimatoloq mütəxəssisləri üçün təşkil olunan dünyanın ən nüfuzlu elmi konqreslərindən biridir. Hər il Avropada keçirilən konqres anesteziya, reanimasiya, ağrı və perioperativ tibbdə təhsil, bilik mübadiləsi və innovasiyalara yönəlmiş müasir tədbirdir, həmçinin elmi tədqiqatlar üçün geniş beynəlxalq platformadır.

 

Burada iştirak edən hər bir mütəxəssis biliyini artırmaq, innovativ texnikaları nəzərdən keçirmək, yeni təlimatları öyrənmək və geniş beynəlxalq auditoriya ilə ünsiyyət qurmaq, əməkdaşlıq etmək və şəbəkə qurmaq üçün geniş imkanlar açır. 

 

Mehdi Əliyev konqresin işində iştirak etməklə dünyanın müxtəlif qabaqcıl mütəxəssisləri ilə peşəkar fikirlərini bölüşməyə, geniş mövzuları müzakirə etməyə və yeni müalicə üsullarında nəzəri və təcrübi biliklərini mübadilə etməyə müvəffəq olub.

 

"Euroanesthesia 2024" bütün iştirakçılar üçün səmərəli və məhsuldar olub.