Cənubi Qazaxıstan Çimkənd Tibb Akademiyasının Azərbaycan Tibb Universitetində rotasiya keçən bir qrup tələbəsi Mərkəzi Gömrük Hospitalını ziyarət edib.

Bu barədə Aztibb.az-a Hospitaldan məlumat verilib.

Azərbaycan Respublikası Dövlət Gömrük Komitəsi Tibbi Xidmət İdarəsinin rəis müavini t.ü.f.d., dosent İsmayıl Əfəndiyev və Mərkəzi Gömrük Hospitalının rəisi-baş həkimi Bəxtiyar Musayev tələbələrə Mərkəzi Gömrük Hospitalının tarixi və fəaliyyəti barədə ətraflı məlumat verib, onları şöbələrin işi ilə tanış ediblər.

Tədbir çərçivəsində Çimkənd Tibb Akademiyasının Müalicə işi fakültəsinin IV qrup tələbələri - Validi Tahmina, Şakhidulla Ayimjan, Abdumutal Şağınış, Nuraliyev Aman və Primkul Askar Mərkəzi Gömrük Hospitalının Radiologiya, Nefrologiya və Efferent Terapiya, Kardiologiya, Reanimasiya, Laboratoriya, Patomorfologiya, Təcili Tibbi Yardım və digər şöbələrində olub, orada aparılan müayinə və müalicə prosesi, eləcə də ən müasir tibbi avadanıqlar barədə ətraflı məlumatlandırılıblar.

Kardiologiya şöbəsinin rəisi, invaziv kardioloq İlqar Tahiroğlu, Kardiocərrahiyyə şöbəsinin rəisi, ürək-damar cərrahı Elməddin Əliyev, Laboratoriya şöbəsinin rəisi Səbinə İbrahimova, Anesteziologiya və Reanimasiya şöbəsinin anestezioloq-reanimatoloqu Xəyal Məmmədov, Radiologiya şöbəsinin rəisi Eldəniz Hüseynov və rentgenoloq Nataliya Astraxanseva tələbələrə şöbələrdə aparılan tibbi xidmətlər barədə danışıb, Nefrologiya və Efferent Terapiya şöbəsinin rəisi, nefroloq Mirmənsim Məmmədov şöbədə və Elvin Əzizov aparılan tibbi xidmətlərdən birini əyani nümayiş etdiriblər.

Tədbirin sonunda Planlaşdırma və Marketinq şöbəsinin PR üzrə mütəxəssisi Dilara Zamanova tələbələrə Mərkəzi Gömrük Hospitalının fəaliyyətini əks etdirən çarxlar və süjetləri nümayiş etdirib. Çimkənd Tibb Akademiyasının tələbələri təcrübə mübadiləsində böyük əhəmiyyət kəsb edən ekskursiyaya görə Dövlət Gömrük Komitəsi Tibbi Xidmət İdarəsinin rəis müavini t.ü.f.d., dosent İsmayıl Əfəndiyevə, Mərkəzi Gömrük Hospitalının rəisi-baş həkimi Bəxtiyar Musayevə və onlara məlumatlar verən bütün personala təşəkkürünü bildiriblər.