2024-cü ilin “Yaşıl dünya naminə həmrəylik ili” elan edilməsi ilə əlaqədar olaraq Mərkəzi Gömrük Hospitalı tərəfindən ağacəkmə tədbirləri davam etdirilir.

Dövlət Gömrük Komitəsinin tədbirlər planına əsasən Mərkəzi Gömrük Hospitalının 2 saylı Poliklinikasının həyətində ağacəkmə aksiyası keçirilib.

Hospitaldan Aztibb.az-a bildirilib ki, aksiyada Azərbaycan Respublikası Dövlət Gömrük Komitəsi Tibbi Xidmət İdarəsinin rəis müavini, t.ü.f.d., dosent İsmayıl Əfəndiyev, Texniki-təsərrüfat şöbəsinin rəisi Pərviz Sadıqov, İT Texnologiyaları şöbəsinin mühəndis proqramlaşdırıcısı Natiq Orucov, Mühasibatlıq şöbəsinin mühasibi Ramil Kərimov, mühasib-xəzinədar Rəhman Seyidzadə və digər əməkdaşlar iştirak ediblər.

Aksiya çərçivəsində Mərkəzi Gömrük Hospitalının 2 saylı Poliklinikasının həyətində müxtəlif növ dekorativ ağaclar əkilib.