“Həkimlərimizi tanıyaq!” rubrikamızda Sizlərə gözlənilməz hallarda pasiyentlərə qayğı və köməyini əsirgəməyən, onları ağır vəziyyətdən maksimum dərəcədə ağrısız çıxarmağı bacaran Respublika Neyrocərrahiyyə Xəstəxanasının anestezioloq-reanimatoloqu Rəna Əliyevadan bəhs edəcəyik.

 

O, 1976-cı ildə Qazax rayonunda anadan olub. 1992-1998-ci illərdə Azərbaycan Tibb Universitetinin Müalicə işi fakültəsində təhsil alıb. 1996-1998-ci illərdə tələbə olarkən Respublika Neyrocərrahiyyə Xəstəxanasında orta tibb işçisi kimi fəaliyyət göstərib. 1998-1999-cu illərdə Respublika Neyrocərrahiyyə Xəstəxanasında Anesteziologiya, reanimasiya və intensiv terapiya ixtisası üzrə internatura kursu keçib.

Rəna Əliyeva 2000-ci ildən Respublika Neyrocərrahiyyə Xəstəxanasında həkim-anestezioloq-reanimatoloq vəzifəsində çalışır. Eyni zamanda, 2024-cü ildən Respublika Neyrocərrahiyyə Xəstəxanasında Anesteziologiya, reanimasiya və intensiv terapiya şöbəsinin müdiri vəzifəsini icra edir.

 

Mütəmadi olaraq həkimlərin təkmilləşmə kursundan müvəffəqiyyətlə keçir. O, COVID-19 pandemiyasına qarşı həyata keçirilən tədbirlər çərçivəsində 1 saylı modul tipli xəstəxanada həkim-anestezioloq kimi fəal iştirak edib.