Abşeron Rayon Mərkəzi Xəstəxanasında “Xəstələrin yıxılma riski səviyyəsini təyin etmək üçün risklərin qiymətləndirilməsi“ mövzusunda maarifləndirici seminar keçirilib.

 

Aztibb.az-a Xəstəxanadan verilən xəbərə görə, müəssisənin stasionar şöbə müdirlərinin, həkimlərinin, böyük tibb bacılarının, mama və tibb bacılarının qatıldığı seminarda KİO (keyfiyyətin idarə olunması) üzrə məsul şəxs Könül Sadıqova mövzu ətrafında çıxış edib.

 

O, xəstəyə qulluq ilə bağlı tətbiq edilən tibbi xidmət standartlarını, xəstə yıxılmalarının qarşısını almaq üçün müəyyən edilmiş qaydalarını, yıxılma riskinin təyin edilməsi üçün istifadə olunan beynəlxalq şkalalarını (“İtaki II” (böyüklər üçün), “Harizmi” (0-18 yaş qrupu xəstələri üçün) və ya “Morze”, “Hendrix II” kimi beynəlxalq yıxılma riskinin qiymətləndirilməsi şkalalarını və onların dəyərləndirilmə qaydalarını izah edib.

 

Sonda iştirakçıların sualları cavablandırılıb.