Son zamanlar xüsusilə sosial mediada göz rəngi dəyişdirmə əməliyyatları tez-tez paylaşılır. Seçilmiş rəngin gözə tətbiq oluna biləcəyi əməliyyat böyük risklər daşıyır. Göz hipertoniyası və katarakta kimi xəstəliklərə səbəb olan bu əməliyyat korluğa belə səbəb ola bilər.

Aztibb.az medimagazin.com.tr-yə istinadla xəbər verir ki, Amerika və bəzi Avropa ölkələrində geniş vüsət alan bu əməliyyat ciddi risklər daşıyır.

Göz rənginin dəyişdirilməsi əməliyyatları bir çox xəstəliyə səbəb olur. İşığa qarşı həssaslıq və görmə itkisi bu pozğunluqlar arasındadır.

Həkimlərin icazəsi olmadan heç bir əməliyyata üstünlük verilməməsi barədə xəbərdarlıq edən türkiyəli oftalmoloq Emel Çolakoğlu, bu əməliyyatın FTA təsdiqi olmayan bir tətbiq olduğunu bildirib.

"İrisdəki piqmentlər, yəni rəngli hissə lazer işığı ilə və ya soyucu iynənin köməyi ilə sıyrılır və ya lazer şüası atılaraq həmin piqmentlər oradan çıxarılır", - deyən Çolakoğlu, bu şəkildə o nahiyədəki piqmentin azalması səbəbindən gözün rənginin daha açıq olduğunu söyləyib. O, trabekulyar şəbəkə adlanan sistemdən gələn piqmentlərin gözün içindəki təzyiqi yaradan mayenin yolunu bağladığını və nəticədə korluğa səbəb ola biləcəyini qeyd edib.