Bu barədə Aztibb.az-a məlumat verən Tərtər Rayon Mərkəzi Xəstəxanasının həkim-terapevti Aytəkin Paşayeva bildirib ki, qaraciyər piylənməsi kliniki simptomlar olaraq əsasən sağ qabırğa altı nahiyyədə ağrı kimi şikayətlər başlayır.

 

Həkimin sözlərinə görə, qarın nahiyəsində piylənmə, şişkinlik, həzm problemləri, qəbzlik, gözlərdə qızartı, yaddaş zəifliyi, bBədən temperaturunun artması qaraciyər piylənməsinin ümumi əlamətləri hesab olunur.

 

"Müalicəyə ilk növbədə qidalanmaya diqqət etməklə başlanılır. Doymamış yağ turşularından, heyvani yağlarla zəngin olan qidalardan uzaq durmalısınız. Xəstələrə öz çəkilərini azaltmaq, aktiv hərəkət, qidalanma rasionundan şirin, xəmir, un məhsulları və yağlı qidaları çıxarmağı tövsiyə edilir", - deyə Aytəkin Paşayeva əlavə edib.