TƏBİB -in dəstəyilə Şirvan Şəhər Mərkəzi Xəstəxanasının nəzdində yaradılmış Şirvan Ürək-Damar Mərkəzinə 70 yaşlı xəstə qarında pulsativ kütlə şikayəti ilə müraciət edib.

Şirvan ŞMX-dan Aztibb.az-a verilən məlumata görə, xəstədə aparılan müayinələr nəticəsində infrarenal yerləşimli qarın aortasının anevrizması (140 mm seqmentdə, ən geniş yerində 84 mm çatan) aşkar edilib.

Xəstəyə mərkəzin komandası tərəfindən aorta–biiliac (external) bypass əməliyyatı icra edilib.

70 yaşlı pasiyentin vəziyyəti stabildir, ambulator müalicə üçün artıq evə buraxılıb.