Agentlikdən Aztibb.az-a verilən məlumata görə, təlim iştirakçıları Gəncə, Lənkəran və Astaradan olan din xadimləri – axund, imam və dini icmaların üzvləri olublar.

 

Tədbirlərdə Agentliyin Tibbi planlama departamentinin rəhbəri Hikmət İbrahimli, Marketinq və ictimaiyyətlə əlaqələr departamentinin rəhbəri Aynurə Əhmədova, Marketinq və tədbirlər şöbəsinin aparıcı məsləhətçisi Emil Lətifov, Dini Qurumlarla İş üzrə Dövlət Komitəsi nümayəndələri və tibb müəssisələrinin rəhbərliyi iştirak edib.

 

Görüşlər zamanı təlim iştirakçılarının icbari tibbi sığortanın tətbiqi ilə bağlı müraciətləri dinlənilib və onların həlli istiqamətində müvafiq tədbirlər görülüb.

 

Təlimlərin keçirilməsində məqsəd din xadimləri vasitəsi ilə daha geniş əhaliyə icbari tibbi sığorta ilə bağlı məlumatları çatdırmaqdır.