STM-dən Aztibb.az-a verilən xəbərə görə, öncə məişət zorakılığından bəhs edən videoçarx nümayiş olunub.

 

Daha sonra tədbiri giriş sözü ilə açan 1 nömrəli ASM-nin baş həkimi Təranə Mansurova məişət zorakılığının cəmiyyətin ən böyük problemlərindən biri olduğunu bildirib. O, qeyd edib ki, məişət zorakılığın qarşısının alınması insanların təhlükəsizliyin təmin olunmasında böyük əhəmiyyət kəsb edir, məişət zorakılığı və ya ailədə zorakılıq halları tək bir ailə üçün yox, bütövlükdə cəmiyyət üçün təhlükəlidir.

 

Tədbirdə digər çıxış edənlər ASM-nin Pediatriya şöbəsinin müdiri Şəbnəm Səlimova və həkim-pediatr Şəlalə Nəcəfova məişət zorakılığının qarşısının alınması istiqamətində görülən işlərin səmərəliliyini artırmaq üçün qabaqlayıcı tədbirlərin gücləndirilməsi, zorakılıqdan zərər çəkmiş şəxslərə təxirəsalınmaz və hərtərəfli yardım göstərilməsinin vacibliyindən danışıblar.

 

Qeyd edilib ki, bir çox hallarda məişət zorakılığı qurbanı olan şəxslər onlara qarşı törədilənlər barədə susur və bunlara dözməkdə davam edir: “Onlar qorxudan yaxud utandıqlarından bu barədə heç kimə heç nə söyləmirlər, eyni zamanda yeni zorakılıq burulğanına düşməkdən ehtiyat edirlər. Lakin unudurlar ki, bununla da həmin şəxslər özlərinin və yaxınlarının həyatını daha da təhlükəyə atırlar”.

 

Tədbirdə iştirak edən valideynlərdən biri başına gəlmiş zorakılıq hallarından danışaraq, vaxtında lazımı addımlar atmadığından təəssüflüyünü bildirib.

 

Sonda tədbir iştirakçılarını maraqlandıran suallar cavablandırılıb.