Tovuz Rayon Mərkəzi Xəstəxanasının təşkilatçılığı ilə Tovuz rayon Məşədivəlilər kənd orta məktəbində Məşədivəlilər və qonşu kəndlərin əhalisi üçün səyyar tibbi aksiya keçirilib.
Aztibb.az-a Tovuz RMX-dan bildirilib ki, aksiyanın keçirilməsində məqsəd icbari tibbi sığorta üzrə Xidmətlər Zərfi çərçivəsində təqdim edilən xidmətlərlə bağlı maarifləndirmə işləri aparmaq olub.
Səyyar tibbi aksiyada Tovuz Rayon Mərkəzi Xəstəxanasının Səhiyyə xidmətinin təşkili şöbəsinin müdiri Tural Əhmədov, nevropatoloq Fazil Məmmədov, terapevt Aydın İbadov, oftalmoloq İlahə Müseyibova, pediatr Sədət Məmmədova və Çeşməli kənd həkim məntəqəsinin müdiri Hökümə Qafarova iştirak edib.
Müraciət edən şəxslər həkimlər tərəfindən müayinə olunub və onlara ambulator tibbi yardım göstərilib.
Kənd sakinləri onlara göstərilən tibbi xidmətə görə təşəkkürlərini bildiriblər.
