Milli Məclisin Səhiyyə Komitəsinin sədr müavini, DGK Tibb Xidmət İdarəsi "Elmi-Təcrübi və Tədris Mərkəzi"nin rəisi, tibb elmləri doktoru Rəşad Mahmudov 9-12 May 2024-cü il tarixlərində Azərbaycan Minimal İnvaziv Cərrahlar Cəmiyyətinin (AMİCC) I Konqresi, Cərrahiyyə və Əməliyyatxana Tibb Bacılarının I Konqresi və X Bakı Beynəlxalq Tibbi Treninq Günlərində iştirak edib.

 

Aztibb.az-ın xəbərinə görə, Bakıda Holidaz İnn otelində baş tutan konqresin açılışında çıxış edən millət vəkilləri, Özbəkistanın Azərbaycandakı səfiri, dövlət qurumlarının nümayəndələri, xarici və yerli qonaqlar tədbirin səhiyyəmiz üçün əhəmiyyətindən danışıb və konqresin işinə uğurlar arzulayıblar. Azərbaycan

 

Respublikası Səhiyyə Nazirliyində Davamlı Tibb Təhsili tədbiri kimi qeydiyyatdan keçmiş, 38 kreditlə dəyərləndirilmiş, 350 yerli və 150 xarici iştirakçının qatıldığı konqresdə Türkiyə, Almaniya və Özbəkistandan olan mütəxəssislərin laparoskopik və bariatrik cərrahiyyə, ginekologiya, urologiya, endoskopiya, invaziv radiologiya və tibb bacılığı üzrə maraqlı məruzələri dinlənilib. Bu məruzələrlə yanaşı, laparoskopik cərrahiyyədə ağırlaşmalar, onların korreksiyası və Azərbaycanda minimal invaziv cərrahiyyə sahəsində mütəxəssis hazırlığı problemlər mövzusunda panel diskussiyaları təşkil edilib.

 

Konqresin ən böyük özəlliklərindən biri 4 günlük canlı cərrahiyyə kursunun və ustad dərslərinin keçirilməsi olub. Canlı cərrahiyyə kursu çərçivəsində Azərbaycanın ən qabaqcıl Milli Onkologiya Mərkəzi, M.Topçubaşov ad. Elmi Cərrahiyyə Mərkəzi, Bakı Sağlamlıq Mərkəzi, Abşeron Mərkəzi Xəstəxanası, Mərkəzi Kliniki Xəstəxana, LivBonaDea Hospital, German Hospital və Kraton klinikalarında 30 xəstə üzərində canlı cərrahiyyə əməliyyatı icra edilib və çox faydalı müzakirələr təşkil olunub. Lahiyə çərçivəsində icra edilmiş bütün əməliyyat İcbari Tibbi Sığrta Agentliyi tərəfindən qarşılanıb.

 

Konqresin digər özəlliyi 200 nəfərə yaxın iştirakçı üçün 15 ixtisas üzrə tibbi treninq kursları və ustad dərslərinin də təşkili olub. Bu treninqlərdə elektrocərrahiyyə, cərrahiyyənin müxtəlif sahələrində Lazer texnologiyalarının tətbiqi, Laparoskopik anastomoz və stepler kursu, tibb bacıları üçün cərrahi vərdişlər və s. öyrədilib.

 

Azərbaycanda ilk dəfə Türkiyə Cərrahi Həmşirəliyi dərnəyinin dəstəyi ilə təşkil olunan Cərrahiyyə və Əməliyyatxana Tibb Bacılarının 1. Konqresi çərçivəsində də Azərbaycanın bütün regionlarında gələcək 100-dən çox tibb bacısı üçün maraqlı seminarlar və treninq kursları təşkil edilib.