Ulu Öndər Heydər Əliyevin anadan olmasının 101-ci ildönümü ərəfəsində Naftalan Şəhər İcra Hakimiyyətinin təşkilatçılığı ilə Naftalan Şəhər Mərkəzi Xəstəxanasında Səhiyyə Nazirliyinin Milli Hematologiya və Transfuziologiya Mərkəzi tərəfindən növbəti könüllü qanvermə aksiyası keçirilib.

 

Naftalan ŞMX-dan Aztibb.az-a verilən xəbərə görə, humanist addım kimi mühüm əhəmiyyət daşıyan aksiyanın keçirilməsi irsi qan xəstəliklərindən əziyyət çəkən şəxslərə dəstək olmaq məqsədilə həyata keçirilib.

 

Mərkəzi Qan Bankının ixtisaslaşdırılmış tibb briqadasının həkim-hematoloqları tərəfindən qanvermənin faydaları barədə aksiya iştirakçılarına məlumat verilib. Hər bir donor tibbi müayinədən keçdikdən sonra qan analizi götürülüb və müayinə nəticəsində səhhəti imkan verən şəxslərdən qan götürülüb.

 

Aksiyada şəhərdə fəaliyyət göstərən idarə, müəssisə, təşkilatların əməkdaşları, könüllülər iştirak edərək ehtiyat qan bankının zənginləşdirilməsinə dəstək olublar.