“Yaşıl dünya naminə həmrəylik ili” elan edilməsi ilə əlaqədar Göygöl Rayon Mərkəzi Xəstəxanasında ağacəkmə aksiyası keçirilib.

Xəstəxanadan Aztibb.az-a bildirilib ki, müəssisənin həyətyanı sahəsində yaşıllaşdırma işlərinin aparılması məqsədi ilə keçirilən aksiyada tibb müəssisəsinin direktoru Vasif Əliyev, direktor müavini, baş həkim Vüsalə Qələndərova, inzibati işlər üzrə müavin Fazil Verdiyev və tibb müəssisəsinin əməkdaşları iştirak ediblər.

Ağacəkmə aksiyalarının keçirilməsində məqsəd ictimaiyyətin diqqətini ətraf mühitin sağlamlaşdırılmasına, yaşıllıqların bərpasına və artırılmasına yönəltmək, ağacəkmə işini ümummilli hədəflərimizdən birinə çevirmək, ətraf mühitin mühafizəsinə və iqlim dəyişikliyi ilə mübarizəyə töhfə verməkdir.