Sumqayıt Tibb Mərkəzinin (STM) tabeliyində fəaliyyət göstərən Perinatal Mərkəzdə "Düşmə riski dəyərləndirilməsi və önlənməsi" mövzusunda maarifləndirici seminar keçirilib.

STM-dən Aztibb.az-a verilən xəbərə görə, Perinatal Mərkəzin tibb bacılarının qatıldığı seminarda tibb bacısı Zərifə Musayeva mövzu ətrafında geniş məlumat verib.

Z.Musayeva morze şkalasının risk qrupuna daxil olan xəstələr üçün əhəmiyyətindən danışaraq qeyd edib ki, tibb bacısının qiymətləndirilməsindən sonra risk qrupuna daxil olan xəstələrə narıncı identifikasiya qolbağı verilir, tibbi qeydiyyat sənədinin ön səhifəsində narıncı zolaq vurulur və otağın qapısında narıncı stiker yapışdırılır.

Qeyd edək ki, seminarın keçirilməsində məqsəd risk qrupuna daxil olan xəstələrə diqqət və qayğının daha da artırılmasıdır.