Akademik Zərifə Əliyeva adına Milli Oftalmologiya Mərkəzinin birgə təşəbbüsü ilə Dəmiryol Səyyar Klinikası tərəfindən Balakən rayonunda tibbi aksiya keçirilib.
Balakən RMX-dan Aztibb.az-a bildirilib ki, aksiyada şəhid ailələri və qazilər də daxil olmaqla, ümumilikdə 143 nəfər müayinədən keçirilib.
Tibbi aksiyanın keçirilməsində əsas məqsəd müraciət edənlərin problemlərinin müəyyənləşdirilməsi və aşkarlanmış xəstəliklərin həlli yolunu tapmaqda kömək göstərilməsi olub.
Aparılan müayinələr əsasında göz xəstəlikləri ilə bağlı ümumi monitorinqlər aparılır və əldə edilən nəticələr müzakirə edilir. Ciddi problemlərlə üzləşən və əməliyyat tələb olunan pasiyentlərin Akademik Zərifə Əliyeva adına Milli Oftalmologiya Mərkəzinə gəlməsinə şərait yaradılıb.
_191.jpg "İnfarktdan sonra ürəyi zədələnmələrdən qorumağın yolu tapılıb")
_39.jpg "Bakı və Sumqayıtda qripə qarşı peyvəndləmə başlayıb")
