Akademik Zərifə Əliyeva adına Milli Oftalmologiya Mərkəzinin Avtomobil Səyyar Klinikası tərəfindən Xəzər Sağlamlıq Mərkəzində tibbi aksiya keçirilib.
Milli Oftalmologiya Mərkəzindən Aztibb.az-a verilən xəbərə görə, aksiya çərçivəsində 71 nəfər müayinə olunub.
Müayinələr əsasında refraksiya patalogiyası, allergik konyunktivit, quru göz sindromu və s. diaqnozlar aşkar edilib.
Aksiyanın keçirilməsində məqsəd görmə patologiyasının erkən diaqnostikasını aşkar etmək, profilaktik və müalicə tədbirləri həyata keçirlməkdir.
Müayinələr Akademik Zərifə Əliyeva adına Milli Oftalmologiya Mərkəzinin həkimləri Aynur Nəbiyeva, Nərgiz Əhmədova və rezident Səbinə Quliyeva tərəfindən həyata keçirilib.
Həmçinin aksiyada “Elmi-məlumat, tədris və təşkilati-metodik” bölməsinin müdiri Yazgül Abdıyeva, Səyyar Klinikanın baş həkimi Elçin Həsənov və təşkilat şöbəsinin işçisi Züleyxa Yusifova iştirak ediblər.
_191.jpg "İnfarktdan sonra ürəyi zədələnmələrdən qorumağın yolu tapılıb")
_39.jpg "Bakı və Sumqayıtda qripə qarşı peyvəndləmə başlayıb")
