Səhiyyə Nazirliyinin İctimai Səhiyyə və İslahatlar Mərkəzi (İSİM) tərəfindən Azərbaycan Universitetində tələbə və müəllimlərin iştirakı ilə maarifləndirici tədbir keçirilib.

İSİM-dən Aztibb.az-a bildirilib ki, tədbirin təşkilində məqsəd əhali, xüsusən gənc nəsil arasında sağlamlığın qorunması, xəstəliklərin profilaktikası ilə bağlı məlumatlılığın artırılması olub. 

İSİM-in Səhiyyə kommunikasiyası şöbəsinin müdiri Laura Quliyeva geniş təqdimatla çıxış edərək sağlam həyat tərzi barədə ətraflı məlumat verib, zərərli vərdişlərin ətraf mühitə və insan orqanizminə təhlükəli təsirlərindən söz açıb.

O, Ümumdünya Səhiyyə Təşkilatının zərərli vərdişlərlə bağlı statistikasını diqqətə çatdırıb. Bildirib ki, tütün tüstüsünün tərkibində 7 minə qədər kimyəvi birləşmənin mövcud olduğu sübut edilib. Bu maddələrdən 250-si xüsusi təhlükəli toksik maddədir və tütünçəkmə nəticəsində hər il təxminən 8 milyon insan dünyasını dəyişir ki, onların 1 milyonu passiv tütünçəkənlərdir.

İnteraktiv keçən tədbirdə iştirakçıların sualları cavblandırılıb, onlara sağlam qidalanmaq və hər gün fiziki aktivliyə vaxt ayırmaq tövsiyə olunub, maarifləndirmə materialları paylanılıb.